მოვუწოდებთ მსოფლიოს მკაცრად დაგმოს რუსეთის პრეზიდენტის ანტისემიტური განცხადებები, - ამის შესახებ უკრაინის საგარეო საქმეთა სამინისტროს სპიკერი ოლეგ ნიკოლენკო “ფეისბუქის” პირად გვერდზე წერს.

მისი თქმით, თანამედროვე მსოფლიოში ეთნიკური ნიშნით ზიზღის ადგილი არ უნდა იყოს.

“მედია: ვლადიმირ პუტინმა უკრაინის პრეზიდენტის ებრაული წარმომავლობა ნაციზმის განდიდებასთან დააკავშირა. უკრაინის პრეზიდენტის ეთნიკურ წარმომავლობაზე პუტინის ქრონიკული ფიქსაცია რუსულ ელიტებში ღრმად გამჯდარი ანტისემიტიზმის მორიგი გამოვლინებაა. მოვუწოდებთ მსოფლიოს, მკაცრად დაგმოს რუსეთის პრეზიდენტის ანტისემიტური განცხადებები. თანამედროვე მსოფლიოში ეთნიკური ნიშნის ზიზღის ადგილი არ უნდა იყოს”, - წერს ნიკოლენკო.