შიიტი მუსლიმები 680 წელს (ჰიჯრის 61 წელი) იმამ ჰუსეინ იბნ ალის (მეოთხე ხალიფა ალის შვილი, წინასწარმეტყველ მუჰამედის შვილიშვილი) და მისი თანამოაზრეების ტრაგიკული გარდაცვალების დღიდან მეორმოცე დღეს („ალ-არბაინს“) აღნიშნავენ. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
მათივე ცნობით, აღნიშნულ დღესთან დაკავშირებით, შიიტი მუსლიმები სამგლოვიარო ცერემონიებს ატარებენ, იხსენებენ იმამ ჰუსეინს და მის თანამოაზრეებს, კითხულობენ მათი სულების მოსახსენიებელ ლოცვებს.
