საფრანგეთის ევროპულ საქმეთა სახელმწიფო მინისტრის, ლოურენს ბუნის განცხადებით, ევროკავშირი კანდიდატ ქვეყნებს რუსეთის პრეზიდენტის, ვლადიმერ პუტინისთვის წინააღმდეგობის გაწევაში უნდა დაეხმაროს, რაც ორგანიზაციაში მათი შესვლის პერსპექტივების შესახებ მკაფიო სიგნალში უნდა აისახოს. ინფორმაციას POLITICO ავრცელებს.
მისი თქმით, ევროკავშირი გაფართოების პოტენციური ტალღისთვის ემზადება, რაც უახლოეს მომავალში ორგანიზაციაში რვამდე ახალი წევრის გაჩენას გამოიწვევს, უკრაინასა და ბალკანეთის 6 ქვეყნის ჩათვლით.
მინისტრმა ასევე აღნიშნა, რომ კანდიდატ ქვეყნებში ბევრი დეზინფორმაცია ვრცელდება, რაც პრობლემას წარმოადგენს. მისი თქმით, პუტინს, ტერიტორიული ამბიციების დაკმაყოფილების გარდა, ევროკავშირის დასუსტება სურს.
„ეს ფაქტორი უნდა გავითვალისწინოთ და ვებრძოლოთ მას", - განაცხადა ბუნმა.
