საქართველოს ტექნიკური უნივერსიტეტის რექტორი ნორინგ მოლოდინს დაბადების დღეს ულოცავს
საქართველოს ტექნიკური უნივერსიტეტის რექტორი, აკადემიკოსი დავით გურგენიძე სამთო-გეოლოგიური ფაკულტეტის პროფესორს, ნორინგ მოლოდინს 80 წლის იუბილეს ულოცავს.
ამის შესახებ ინფორმაციას საქართველოს ტექნიკური უნივერსიტეტი ავრცელებს.
„ბატონო ნორინგ,
საქართველოს ტექნიკური უნივერსიტეტის მრავალათასიანი კოლექტივის, პროფესორ-მასწავლებელთა და სტუდენტთა სახელით, გულითადად გილოცავთ ღირსშესანიშნავ თარიღს - 80 წლის იუბილეს.
თქვენი ნაყოფიერი და უანგარო მოღვაწეობა შესანიშნავი მაგალითია ახალგაზრდა თაობებისათვის. მათთვის, ვინც ხვალინდელ საქართველოს აშენებს და სამთო-გეოლოგიის დარგის განვითარების საქმეში თავისი წვლილი შეაქვს.
ნამდვილად ფასდაუდებელია ის წვლილი, რომელიც თქვენი ღირსეული მოღვაწეობით, მეცნიერების განვითარებაში შეგაქვთ.
თქვენი დამსახურებაა, რომ დღეს საკონვეიერო ტრანსპორტის აქტუალურ პრობლემებთან დაკავშირებული კვლევის მიმართულებით მრავალი ღირებული ნაშრომი მოგვეპოვება, რომელზეც, მჯერა, კიდევ არაერთი სასახელო მეცნიერთა თაობა აღიზრდება.
კიდევ ერთხელ გულითადად გილოცავთ იუბილეს. გისურვებთ ჯანმრთელობასა და მხნეობას ჩვენი ქვეყნისა და ხალხის საკეთილდღეოდ“, - აღნიშნულია საქართველოს ტექნიკური უნივერსიტეტის რექტორის მიმართვაში.
v-if="article.gallery" v-html="article.gallery"
