გიგა ბოკერია - არაპუტინისტური მთავრობა რომ გვყავდეს, ბორელის ან სხვა მსგავს ვიზიტებს საქართველოს ევროკავშირში გაწევრიანების ლობირებისთვის გამოიყენებდა
არაპუტინისტური მთავრობა რომ გვყავდეს, ბორელის ან სხვა მსგავს ვიზიტებს საქართველოს ევროკავშირში გაწევრიანების ლობირებისთვის გამოიყენებდა , - ასე ეხმაურება “ევროპული საქართველოს” თავმჯდომარე, გიგა ბოკერია თბილისში საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ევროკომისიის ვიცე-პრეზიდენტის, ჯოზეფ ბორელის ვიზიტს.
როგორც გიგა ბოკერიამ აღნიშნა, სწორედ ამას აკეთებენ უკრაინისა და მოლდოვის მთავრობები.
„ჩვენ არ გვყავს ნორმალური მთავრობა და სანამ მას დემოკრატიული გზით არ გამოვცვლით, მანამდე ჩვენს ისტორიულ ამოცანას ვერ მივაღწევთ, რომ გავხდეთ ნატო-ს და ევროკავშირის წევრი, ასევე დავუბრუნდეთ თავისუფალ სამყაროს“, - აღნიშნა გიგა ბოკერიამ, რომლის კომენტარსაც პარტიის პრესსამსახური ავრცელებს.
საქართველოში საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ევროკომისიის ვიცე-პრეზიდენტის, ჯოზეფ ბორელის ვიზიტი დღეს დაიწყო.
