გორში, გვერდწითელისა და ნადირაძის ქუჩების მიმდებარედ, მინიმოედანი მოეწყობა. ამის შესახებ ინფორმაციას გორის მერია ავრცელებს.

მათივე ცნობით, სტადიონის მშენებლობის დასრულების შემდეგ, ახალგაზრდებს შესაძლებლობა ექნებათ ითამაშონ როგორც ფეხბურთი, ასევე კალათბურთი.

„გორის მუნიციპალიტეტის მერიის ერთ-ერთი პრიორიტეტი ახალგაზრდების სპორტულ ცხოვრებაში კიდევ უფრო მეტად ჩართვა და ჯანსაღი ცხოვრების წესის პოპულარიზაციაა, ამ მიზნით, 2023 წელს გორის მუნიციპალიტეტში კიდევ 13 სპორტული მოედანი მოეწყობა”, - ნათქვამია ინფორმაციაში.