იაპონიის საგარეო საქმეთა მინისტრმა, იოსიმასა ჰაიასიმ უკრაინისთვის დახმარების გადაცემა დააანონსა.

განცხადებას იოსიმასა ჰაიასიასთან და იაპონიის წამყვანი კომპანიების წარმომადგენლებთან შეხვედრის შემდეგ უკრაინის პრემიერ-მინისტრმა დენის შმიგალმა გააკეთა.

მისი თქმით, იაპონიის დახმარების პაკეტში იარაღი არ შედის, სამაგიეროდ, ამ ქვეყნის ხელისუფლება უკრაინის მხარდაჭერას გააგრძელებს, ანტირუსულ სანქციებს გააძლიერებს და ზამთრის გადატანაში დაეხმარება.

„იაპონია ასევე განაღმვისთვის საჭირო მოწყობილობას მოგვაწვდის, მათ შორის, 24 ამწეს. იაპონელმა მეწარმეებმა კი, თავის მხრივ, კავშირგაბმულობის, ინფრასტრუქტურისა და მედიცინის სფეროში თანამშრომლობის კონკრეტული პროექტები შემოგვთავაზეს. იაპონიის მსხვილი ბიზნესი ჩვენ ქვეყანასთან გრძელვადიანი თანამშრომლობითაა დაინტერესებული“, - განაცხადა შმიგალმა.

მან ასევე აღნიშნა, რომ მაკროფინანსური დახმარების ფარგლებში უკრაინამ იაპონიისგან 2,1 მლრდ. აშშ დოლარი უკვე მიიღო.