მირჩა ჯოანე - არ არის არანაირი ნიშანი, რომ რუსეთი ნატოს წევრ ქვეყანაზე თავდასხმას გეგმავს
ნატო ვერ ხედავს იმის ნიშნებს, რომ რუსეთი ალიანსის წევრ ქვეყანაზე თავდასხმას გეგმავს.
განცხადება Agerpres-ისთვის მიცემულ კომენტარში ჩრდილოატლანტიკური ალიანსის გენერალური მდივნის მოადგილემ, მირჩა ჯოანემ გააკეთა.
მისი თქმით, დღეს-დღეობით რუმინეთისთვის არ არსებობს არანაირი რისკი იმისა, რომ ის რუსეთთან კონფლიქტში ჩაერთვება ან კონფლიქტის გავრცელება მის ტერიტორიაზე მოხდება.
"არ არის არანაირი ნიშანი იმისა, რომ რუსეთი ნატოს წევრ ქვეყანაზე თავდასხმას გეგმავს, იქნება ეს რუმინეთი, თუ ნებისმიერი სხვა სახელმწიფო... და ეს ალიანსის სიმძლავრისა და ძალის შედეგია. ჩვენ შეკავების პირველი ელემენტი ვართ ", - აღნიშნა ჯოანემ.
მისი თქმით, მას ესმის იმ რუმინელების შეშფოთება, რომლებიც უკრაინის საზღვრებთან ახლოს ცხოვრობს, რადგან მათ ომის ხმა ესმით, რაც შფოთვასა და ტკივილს იწვევს.
v-if="article.gallery" v-html="article.gallery"
