უკრაინის პრეზიდენტმა, ვოლოდიმირ ზელენსკიმ სამხედრო კომიტეტის სხდომა ჩაატარა, რომლის დროს ფრონტზე შექმნილი ვითარება განიხილეს. აღნიშნული განცხადება ზელენსკიმ Telegram-ზე გამოაქვეყნა.

„სამხედრო კომიტეტი. ადამიანთა ვიწრო წრე. საკითხთა ვიწრო წრე. დღეს მხოლოდ ფრონტზე ვისაუბრეთ: კონტრშეტევის გაგრძელება, მიმართულებები, პროგნოზები, მომარაგება, იარაღი და საბრძოლო მასალა, საკუთარი წარმოება, სადაზვერვო ინფორმაცია“, - წერს უკრაინის პრეზიდენტი.

მისი თქმით, ყურადღება ასევე მოწინააღმდეგის საპასუხო მოქმედებებზე მომზადებას დაეთმო: სიმაგრეების აგება, შესაბამის უბნებზე სამხედროების გაძლიერება, დაზვერვის მონაცემები თარიღებზე და მიმართულებებზე.