უკრაინის საქმეთა დროებითი რწმუნებული - ჩვენ გავაგზავნეთ მოთხოვნა, რომ უკრაინის ომბუდსმენმა მიხეილ სააკაშვილი მოინახულოს, მაგრამ დღემდე არცერთი უწყებისგან პასუხი არ მიგვიღია
უკრაინის საქმეთა დროებითი რწმუნებული საქართველოში ოლექსანდრ შულგა აცხადებს, რომ საქართველოს მესამე პრეზიდენტ, მიხეილ სააკაშვილთან უკრაინელი ომბუდსმენის შეშვების შესახებ მოთხოვნა გააგზავნეს, თუმცა არცერთი ოფიციალური უწყებისგან პასუხი ამ დრომდე არ მიუღიათ.
როგორც მან ჟურნალისტებს განუცხადა, სააკაშვილმა უნდა შეძლოს კლინიკაში კვალიფიციური დახმარების მიღება.
„მიხეილ სააკაშვილთან დაკავშირებით კომუნიკაციის სტადია უცვლელია. ჩვენ გავაგზავნეთ მოთხოვნა იმის შესახებ, რომ უკრაინის ომბუდსმენმა მიხეილ სააკაშვილი მოინახულოს, მაგრამ პასუხი დღემდე არ მიგვიღია. ისევ იქ ვრჩებით, სადაც ვიყავით. არცერთი ოფიციალური უწყებისგან პასუხი არ მიგვიღია. ჩვენ მივმართავთ იმის შესახებ, რომ ეს ჰუმანიტარული აქტი უნდა იყოს. ბატონმა სააკაშვილმა უნდა შეძლოს კლინიკაში კვალიფიცირებული დახმარების მიღება",-განაცხადა შულგამ.
v-if="article.gallery" v-html="article.gallery"
