ბატონი პოდოლიაკი ანალიზს უკეთებს იმ სიტუაციას, რომელიც ახლა საქართველოში არსებობს, - ასე შეაფასა საქართველოში უკრაინის საქმეთა დროებითმა რწმუნებულმა, ოლექსანდრ შულგამ მიხაილო პოდოლიაკის განცხადება, რომ საქართველოს ამ ეტაპზე არანაირი შანსი არ აქვს, გახდეს ევროკავშირის წევრი. ამის შესახებ მან ჟურნალისტებს განუცხადა.
„პოდოლიაკი ანალიზს უკეთებს ყველა იმ ნაბიჯს, რომელსაც საქართველოს ხელისუფლება ახორციელებს. ეს არის მისი შეფასებები მოცემულ სიტუაციაში“, - განაცხადა შულგამ.
ცნობისთვის, უკრაინის პრეზიდენტის ადმინისტრაციის ხელმძღვანელის მრჩეველმა, მიხაილო პოდოლიაკმა განაცხადა, რომ საქართველოს არ აქვს ერთი შანსიც კი, რომ ევროკავშირის წევრი გახდეს.
