საქართველოს პარლამენტის თავმჯდომარე შალვა პაპუაშვილი ჰაინრიხ ბიოლის ფონდის პრეზიდენტს იან-ფილიპ ალბრეხტს შეხვდა.

პარლამენტის პრესსამსახურის ინფორმაციით, მხარეებმა ისაუბრეს საქართველოსა და რეგიონში მიმდინარე მოვლენებსა და გამოწვევებზე.

უწყების ცნობით, პარლამენტის თავმჯდომარემ მიმოიხილა პოლიტიკური განვითარებები, საქართველოს ევროკავშირში გაწევრიანების პროცესი, რუსეთიდან მომდინარე საფრთხეები და ფართო რეგიონში არსებული უსაფრთხოების გარემო.