ლიბიის ქალაქ დერნაში წყალდიდობის შედეგად დაღუპულთა რიცხვმა 11 300-ს მიაღწია, - ამის შესახებ ლიბიის წითელი ნახევარმთვარის ორგანიზაცია იუწყება.

ორგანიზაციის შეფასებით, 30 000 ადამიანი უსახლკაროდაა დარჩენილი.

ადგილობრივ ხელისუფლებაში აცხადებენ, რომ მსხვერპლის რაოდენობა გაიზრდება, რადგან ცხედრების ამოყვანის ოპერაცია გრძელდება. ამ დროისთვის, დაკარგულად 10 000-ზე მეტი ადამიანი ითვლება.

შეგახსენებთ, ქარიშხალ “დანიელის" შედეგად გამოწვეულმა ძლიერმა წვიმამ ლიბიაში წყალდიდობა გამოიწვია. 10 სექტემბერს ქალაქ დერნას ზემოთ მდებარე ორი კაშხალი გაირღვა და წყალმა ქალაქის მთელი უბნები წალეკა.