უკრაინის პრეზიდენტმა, ვოლოდიმირ ზელენსკიმ მადლობა გადაუხადა ყველას, ვინც უკრაინას იცავს და განსაკუთრებით იმ ჯარისკაცებს, რომლებმაც გუშინ დონეცკის ოლქის კლეშჩეევკას დასახლების გათავისუფლებაში მიიღეს მონაწილეობა.

"მინდა, მადლობა გადავუხადო ყველა ჯარისკაცს, ვინც უკრაინის ცას იცავს. ასევე, ყველას, ვინც ფრონტის ხაზზეა, თითოეულ ბრიგადას. დღეს განსაკუთრებულად აღვნიშნავ იმ ჯარისკაცებს, რომლებიც ბახმუტის რაიონში ნაბიჯ-ნაბიჯ უბრუნებენ უკრაინას იმას, რაც მას ეკუთვნის, 80-ე ცალკეულ სადესანტო-მოიერიშე ბრიგადას, მე-5 ცალკეულ მოიერიშე ბრიგადას, 95-ე და ეროვნული პოლიციის გაერთიანებულ მოიერიშე ბრიგადას. კლეშჩეევკა! ყოჩაღ!"- განაცხადა ზელენსკიმ.

შეგახსენებთ, კვირას თავდაცვის ძალებმა დონეცკის ოლქის ბახმუტის მიმართულებით კლეშჩეევკას დასახლებული პუნქტი გაათავისუფლეს.