პოლიტიკური ჯგუფის “გირჩის” ხელმძღვანელი იაგო ხვიჩია პრეზიდენტ სალომე ზურაბიშვილს „თავდაცვის კოდექსის” პროექტზე, რომელიც პლენარულ სხდომაზე მესამე მოსმენით გადის, ვეტოს დადებისაკენ მოუწოდებს.

ხვიჩიამ პარლამენტის ბიუროს სხდომიდან პრეზიდენტს მიმართა, რომ “თავდაცვის კოდექსის” პროექტი მისთვის - როგორც უმაღლესი მთავარსარდლისთვის - შეურაცხმყოფელია.

“მინდა ქართველი ხალხს მივმართო, რომელსაც რამდენიმე კვირაში შლაგბაუმსა და “ვიშკაზე” წასვლა მოუწევს - მიაქციონ ყურადღება, რა იცვლება მათ თავს, კონცენტრირდნენ იმაზე, თუ რა დაემართათ მმართველი გუნდის დამსახურებით და მხარი დაუჭირონ “გირჩს”, რათა 2025 წლიდან ეს გაუგებრობა, რაც მათ თავს ხდება, აღმოიფხვრას”, - განაცხადა იაგო ხვიჩიამ პარლამენტის ბიუროს სხდომაზე.