სომხეთის დედაქალაქ ერევანში, რუსეთის საელჩოსთან უსაფრთხოების ზომები გააძლიერეს და იქ 20-მდე პოლიციელი იმყოფება, - ინფორმაციას რუსული მედია ავრცელებს. მათივე ინფორმაციით, ამ დროისთვის საელჩოსთან საპროტესტო აქციები არ მიმდინარეობს.

შეგახსენებთ, გუშინ დემონსტრანტებმა, რომლებიც ერევნის ცენტრალურ ქუჩებში ყარაბაღის ტერიტორიაზე აზერბაიჯანის ანტიტერორისტულ ოპერაციას აპროტესტებდნენ, რუსეთის საელჩოს შენობა გადაკეტეს. დიპლომატებმა სომხეთის საგარეო საქმეთა სამინისტროს ნოტა გაუგზავნეს და მისიის ნორმალური ფუნქციონირების აღდგენის უზრუნველყოფა მოითხოვეს.