სომხეთის დედაქალაქ ერევანში საპროტესტო აქციის მონაწილეებმა რესპუბლიკის მოედნისკენ მიმავალი გამზირი გადაკეტეს, - ინფორმაციას რუსული მედია ავრცელებს. მათივე ინფორმაციით, ქალაქის ამ ნაწილში ავტოტრანსპორტის მოძრაობა ნაწილობრივ პარალიზებულია.

მომიტინგეებმა შეკრება მას შემდეგ დაიწყეს, რაც ცნობილი გახდა, რომ ყარაბაღში, მხარეებმა შეთანხმებას მიაღწიეს და აზერბაიჯანმა ანტიტერორისტული ოპერაციის შეწყვეტის გადაწყვეტილება მიიღო. აქციის მონაწილეები აცხადებენ, რომ ყარაბაღში განვითარებული მოვლენები ნიკოლ ფაშინიანის პოლიტიკის შედეგია და მის გადადგომას მოითხოვენ.

მთავრობის შენობასთან პოლიცია და სპეცრაზმია მობილიზებული.