მნიშვნელოვანია, მოქალაქეების ხვალინდელი დღე არ დადგეს რისკის ქვეშ - აქცია ორ ლოკაციაზე იმართება, სადაც მოვასწრებ, ყველგან მივალ , - ამის შესახებ ოპოზიციონერმა დეპუტატმა თამარ კორძაიამ ჟურნალისტებთან განახადა.

როგორც მან აღნიშნა, პრეზიდენტმა სალომე ზურაბიშვილმა გააკეთა მნიშვნელოვანი განცხადება და აუცილებელია, გაუქმდეს თურნავას მიღებული გადაწყვეტილება.

რაც შეეხება თურნავას გადადგომას, კორძაია აცხადებს, რომ ამის მოლოდინი ადამიანისგან, რომელიც "მზად არის ჯაშუშების დასაცავად მოქალაქეები დააყენოს რისკის ქვეშ, ასეთ გადაწყვეტილებას ვერ მიიღებს".

თუმცა, როგორც კორძაია აცხადებს, ახლა მნიშვნელოვანია საბჭო შეიკრიბოს და გააუქმოს ეს გადაწყვეტილება.

"ჩვენთვის მნიშვნელოვანია, ქვეყანა და საბანკო სისტემა, მოქალაქეების ხვალინდელი დღე არ დადგეს რისკის ქვეშ, ამიტომ მოვუწოდებთ ეროვნული ბანკის წევრებს, შეიკრიბონ და გააუქმონ ნათია თურნავას თვითნებური, ჯაშუშების დამცველი გადაწყვეტილება.

აქცია, რომელიც გამოცხადებულია, ზუსტად იმავე მოთხოვნებით იმართება, რაზეც ვსაუბრობ. რა თქმა უნდა, ვუერთდები ამ მოთხოვნას, რადგან ეს არის მთელი საქართველოს მოქალაქეების ინტერესში.

აქცია არის მშვიდობიანი და საქართველოს ინტერესების დამცველი. აქცია იმართება ორ ლოკაციაზე და ერთი და იგივე მოთხოვნით, სადაც მოვასწრებ, ყველგან მივალ", - განაცხადა კორძაიამ.