პარლამენტის პლენარულ სხდომაზე კვლავ ხმაურია. მანდატურებმა ოპოზიციონერ დეპუტატ ხათუნა სამნიძეს სხდომათა დარბაზი დაატოვებინეს. მანამდე სამნიძესა და მდინარაძეს შორის ხმამაღალ შელაპარაკებას ჰქონდა ადგილი.

დაპირისპირების თემა კვლავ ოთარ ფარცხალაძისა და ეროვნული ბანკის ირგვლივ მიმდინარე პროცესია. დღევანდელი პლენარული სხდომა მიმდინარე კანონპროექტების განხილვით დაიწყო.

ოპოზიცია ცდილობს, კანონპროექტებზე კითხვების დასმის შესაძლებლობა გამოიყენოს იმისთვის, რომ შეკითხვები სწორედ ეროვნული ბანკის თემაზე დასვას. მათ ამის შესაძლებლობას პარლამენტის თავმჯდომარე შალვა პაპუაშვილი არ აძლევს და ოპოზიციონერებს შეკითხვის დაწყებისთანავე მიკროფონს უთიშავს.