დარწმუნებული ვარ, ეს პროცესი არ შეჩერდება, ეს არცერთ ქართველს არ უნდა უხაროდეს, მაგრამ ეს არის რეალობა, რომელმაც ჩვენი ქვეყნის ბედი უნდა გადაწყვიტოს, ეს უნდა გავიაროთ, ყველა დასასანქცირებელი პირი უნდა დასანქცირდეს და ამ ქვეყანაში მთავარი დასასანქცირებელი არის ბიძინა ივანიშვილი, - ამის შესახებ „ერთიანი ნაციონალური მოძრაობის” რეგიონულმა მდივანმა, გიორგი ბოტკოველმა განაცხადა.

მისივე თქმით, ყველამ კარგად იცის, რომ არცერთი უმრავლესობის წარმომადგენელი აშშ-ს ქვეყნის მთავარ პარტნიორად არ თვლის.

„სახელმწიფო დეპარტამენტის მორიგი განცხადება პირდაპირ მეტყველებს ერთ რამეზე, რომ ხან დარბაზში, ხან დარბაზს გარეთ და ხან კომენტარებში რომ იძახიან, რომ თურმე რაღაც მტკიცებულებები აკლიათ, ამაზე მეტი მტკიცებულება რა გინდა?! მაგრამ ჩვენ ხომ ყველამ კარგად ვიცით, რომ არცერთი უმრავლესობის წარმომადგენელი აშშ-ს ჩვენს მთავარ პარტნიორად არ თვლის, თუ თვლის მთავარ პარტნიორად, მაშინ ამაზე მეტი მტკიცებულებები არ გჭირდება. დარწმუნებული ვარ, ეს პროცესი არ შეჩერდება, ეს არცერთ ქართველს არ უნდა უხაროდეს და მეც არ მიხარია, რომ ჩვენი ქვეყნის რომელიმე მოქალაქის დასანქცირება მოხდეს, მაგრამ ეს არის რეალობა, რომელმაც ჩვენი ქვეყნის ბედი უნდა გადაწყვიტოს, ეს უნდა გავიაროთ, ყველა დასასანქცირებელი პირი უნდა დასანქცირდეს და ამ ქვეყანაში მთავარი დასასანქცირებელი არის ბიძინა ივანიშვილი, რომელმაც თავიდან ბოლომდე ჩამოანგრია ჩვენი ქვეყნის ინტერესები, ჩვენი ქვეყნის ევროპული კურსი და ქმედება, რომელიც ქმედებაც დარწმუნებული ვარ იქნება ამ ქვეყნის მოქალაქეების მხრიდან, ჩვენი ქვეყნის გადარჩენის პროცესს ბოლომდე მიიყვანს“, - განაცხადა ბოტკოველმა.