გასული დღე-ღამის განმავლობაში რუსმა სამხედროებმა ზაპოროჟიეს ოლქის 27 დასახლებული პუნქტი დაბომბეს - არის მსხვერპლი

გასული დღე-ღამის განმავლობაში რუსმა სამხედროებმა ზაპოროჟიეს ოლქის 27 დასახლებული პუნქტი დაბომბეს.

განცხადებას ზაპოროჟიეს საოლქო სამხედრო ადმინისტრაციის უფროსი, იური მალაშკო ავრცელებს.

„გასული დღე-ღამის განმავლობაში მტერმა 27 დასახლებულ პუნქტზე 86 დარტყმა განახორციელა - საარტილერიო დარტყმების შედეგად დაიღუპა 82 წლის ქალი“, - განაცხადა მალაშკომ.

მან ასევე აღნიშნა, რომ დაბომბვები ზალპური ცეცხლი სარაკეტო სისტემებით, უპილოტო საფრენი აპარატებით და საავიაციო ჭურვების განხორციელდა.

„თავდასხმის შედეგად დანგრეულია საცხოვრებელი სახლები, სამეურნეო ნაგებობები და ინფრასტრუქტურის ობიექტები“, - დასძინა ზაპოროჟიეს საოლქო სამხედრო ადმინისტრაციის უფროსმა.