ბათუმის საკრებულოში „ერთიანი ნაციონალური მოძრაობის“ წევრის, რეზო ხარაზის განცხადებით, „2017 წელს ჭოროხის გზის მშენებლობა დაიწყო, თუმცა 2023 წელია და შედეგი არ ჩანს“.

როგორც მან დღეს გამართულ პრესკონფერენციაზე განაცხადა, პროექტის განსახორციელებლად უკვე 9 მილიონ ლარზე მეტი გამოიყო, სამუშაოები კი გაჩერებულია. რეზო ხარაზი ხელისუფლების მხრიდან კორუფციის ნიშნებზე საუბრობს.

„2017 წელს დაიწყო ჭოროხის გზის მშენებლობა. დღეს უკვე 2023 წელია და შედეგი არ გვაქვს - 9 მილიონ ლარზე მეტი კი დაიხარჯა, გზა დაუსრულებელია, ავტომობილები ვერ გადაადგილდება. ეს იყო „ერთიანი ნაციონალური მოძრაობის“ პროექტი და ჩვენ რომ ხელისუფლებაში ვყოფილიყავით, დასრულებული იქნებოდა.

ეს არის კორუფცია და დანაშაულებრივი ქმედებები. „ქართული ოცნება“ უნდა შეიცვალოს“, - განაცხადა რეზო ხარაზმა.