უკრაინის უსაფრთხოების სამსახურის წარმომადგენელი - HIMARS-ის რაკეტამ რუსი ოფიცრების შეხვედრაში „მონაწილეობა მიიღო“, დაიღუპა 8 და დაშავდა 7 ოფიცერი
უკრაინის უსაფრთხოების სამსახურმა მაღალი მობილურობის საარტილერიო სარაკეტო სისტემა HIMARS-დან ხერსონის მახლობლად რუსი ოკუპანტების შტაბზე სარაკეტო თავდასხმა განახორციელა, - ინფორმაციას უკრაინული მედია უკრაინის უსაფრთხოების სამსახურის წარმომადგენლებზე დაყრდნობით ავრცელებს.
მათივე ინფორმაციით, შეხვედრა ნაადრევად დასრულდა: 8 ოფიცერი დაიღუპა და 7 - დაიჭრა.
„უკრაინის უსაფრთხოების სამსახურის ხელმძღვანელობის წყალობით, HIMARS-ის რაკეტამ „მონაწილეობა მიიღო“ 70-ე მოტორიზებული დივიზიის 24-ე მოტომსროლელი პოლკის რუსი ოფიცრების ყოველდღიურ შეხვედრაში“, - აცხადებენ წყაროები მედიასთან საუბარში.
