შალვა პაპუაშვილი - შეხვედრებზე მთავარი თემა იყო, როგორც საქართველოს ევროინტეგრაცია, ისე ორმხრივი ურთიერთობები, რომელმაც სტრატეგიული თანამშრომლობის ფორმა მიიღო
საქართველოს პარლამენტის თავმჯდომარის შალვა პაპუაშვილის განცხადებით რუმინეთში ვიზიტის ფარგლებში გამართულ შეხვედრების მთავარი თემა, საქართველოს ევროინტეგრაცია იყო.
მისი თქმით, რუმინეთი საქართველოს სტრატეგიული პარტნიორია.
,,ეს ორი დღე სრულად შევსებული იყო შეხვედრებით, როგორც პარლამენტის დონეზე, ისე მთავრობაში. ყველგან მთავარი თემა იყო, როგორც საქართველოს ევროინტეგრაცია, ისე ორმხრივი ურთიერთობები, რომელმაც სტრატეგიული თანამშრომლობის ფორმა მიიღო. ეს სტრატეგიული პარტნიორობა თავისი შინაარსით ყველა ამ შეხვედრაზე იგრძნობოდა. რუმინეთის საქართველოს მიმართ დამოკიდებულება ხაზგასმულია, როგორც პარტნიორი ქვეყნის შავ ზღვაზე და ორი ქვეყნის განსაკუთრებული როლი ევროკავშირის, როგორც ეკონომიკური, ასევე, უსაფრთხოების საკითხში. ჩვენ რუმინელი კოლეგებისგან ბევრჯერ მოვისმინეთ, რომ მნიშვნელოვანია სტრატეგიული ურთიერთობა უფრო მეტად და მეტად შევავსოთ შინაარსით, ეს იქნება საპარლამენტო დონე თუ სხვა განზომილებები. საპარლამენტო დონეზე უფრო მჭიდრო თანამშრომლობას ვაპირებთ”, - განაცხადა შალვა პაპუაშვილმა ვიზიტის შეჯამებისას ჟურნალისტებთან საუბრის დროს.
v-if="article.gallery" v-html="article.gallery"
