საქართველოს პრეზიდენტი, სალომე ზურაბიშვილი ვილნიუსში ლიეტუვის პრეზიდენტს, გიტანას ნაუსედას შეხვდა.

შეხვედრის შესახებ ინფორმაციას პრეზიდენტის ადმინისტრაცია სოციალურ ქსელში ავრცელებს.

როგორც ცნობილია, სალომე ზურაბიშვილი ევროპელ ლიდერებთან შეხვედრებს აგრძელებს. პრეზიდენტმა ბოლო დღეებში შეხვედრები გამართა ესტონეთის პრეზიდენტ ალან კარისთან, ასევე, ლატვიის პრეზიდენტ ედგარს რინკევიჩთან.