Edison Research-ის კვლევა ნათლად აჩვენებს, რომ საზოგადოება ემხრობა ელექტრონული არჩევნების პრინციპს, რაც საშუალებას მისცემს ემიგრანტებს აქტიურად მიიღონ მონაწილეობა საარჩევნო პროცესში. “ერთიანი ნაციონალური მოძრაობა”აქტიურად უჭერს მხარს ამას და არის ფლაგმანი ამ მოძრაობისა , - ამის შესახებ “ერთიანი ნაციონალური მოძრაობის” საერთაშორისო სამსახურის უფროსმა, ირაკლი ქავთარაძემ განაცხადა.

მისი თქმით, ერთიანი ნაციონალური მოძრაობა” აქტიურად უჭერს მხარს ელექტრონული არჩევნების პრინციპს.

“Edison Research-ის კვლევა ნათლად აჩვენებს, რომ საზოგადოება ემხრობა ელექტრონული არჩევნების პრინციპს, რაც, რა თქმა უნდა, საშუალებას მისცემს ემიგრანტებს აქტიურად მიიღონ მონაწილეობა საარჩევნო პროცესში და ეს ძალიან მნიშვნელოვანია, რადგან ემიგრანტებს ძალიან დიდი წვლილი მიუძღვით საქართველოს ეკონომიკაში, განვითარებაში, ისინი უამრავ თანხებს რიცხავენ ქვეყანაში, ეხმარებიან ქვეყნის ეკონომიკის განვითარებას.

“ერთიანი ნაციონალური მოძრაობა”აქტიურად უჭერს მხარს ამას და არის ფლაგმანი ამ მოძრაობისა. ასევე, „ედისონმა“ აჩვენა, რომ მოსახლეობის 61%-ი ამბობს, რომ ქვეყანა არასწორი მიმართულებით მიდის, ეს კიდევ ერთხელ აჩვენებს იმას, რომ ხალხი მზად არის ცვლილებებისთვის, ისინი ითხოვენ ცვლილებებს და ემხრობიან მთავრობის ცვლილებას, რადგან აცნობიერებენ, რომ ის თუ როგორ ვითარდება ქვეყანა, არაფრის მომტანია და ეს არის დამაზიანებელი ქვეყნის განვითარებისათვის”, - განაცხადა ირაკლი ქავთარაძემ.