უკრაინის უსაფრთხოების სამსახური ადასტურებს, რომ დღეს, რუსეთის კურსკის ოლქში ელექტრო ქვესადგურზე განხორციელებული თავდასხმის უკან იდგა.

CNN-ს უსაფრთხოების სამსახურში განუცხადეს, რომ ქვესადგური დააზიანეს იმის გამო, რომ ელექტროენერგიას აწვდიდა მნიშვნელოვან რუსულ სამხედრო ობიექტებს და მიანიშნეს, რომ თუ მოსკოვი უკრაინის ინფრასტრუქტურაზე დარტყმებს გააგრძელებს, კიევი ადეკვატურად უპასუხებს.

მანამდე, კურსკის გუბერნატორმა განაცხადა, რომ ოლქში, დრონით განხორციელებული თავდასხმის გამო, ხუთ დასახლებას ელექტროენერგიის მიწოდება შეუწყდა.

რუსეთის თავდაცვის სამინისტრომ გაავრცელა ინფორმაცია, რომ მისმა საჰაერო თავდაცვამ კურსკის თავზე 10 უკრაინული დრონი გაანადგურა.

მსხვერპლის შესახებ ინფორმაცია არ ვრცელდება.