გორის მერია - რეგიონის პირველობა მინიფეხბურთში გორის მუნიციპალიტეტის გამარჯვებით ანგარიშით - 1:0 დასრულდა
რეგიონის პირველობა მინიფეხბურთში გორის მუნიციპალიტეტის გამარჯვებით ანგარიშით - 1:0 დასრულდა. ამის შესახებ ინფორმაციას გორის მერია ავრცელებს.
„ფინალურ შეხვედრაში ერთმანეთს გორისა და ხაშურის გუნდები დაუპირისპირდნენ.
გადამწყვეტი გოლი ნიკოლოზ სადაღაშვილმა გაიტანა. ფინალურ მატჩს თენგიზ ბურჯანაძის სახელობის სტადიონმა უმასპინძლა.
საპრიზო ადგილები ასე გადანაწილდა: I ადგილი - გორი; II ადგილი - ხაშური; III ადგილი - ქარელი; IV ადგილი - კასპი.
ტურნირის ყველა პრიზიორი ფულადი თანხით დაჯილდოვდა. ტურნირის გამარჯვებულს სხვა პრიზიორებისგან განსხვავებით, ფულად ჯილდოსთან ერთად, გარდამავალი თასიც გადაეცა.
ღონისძიება, „შიდა ქართლის სპორტული თამაშები 2023“-ის ფარგლებში ჩატარდა. პროექტი, რომლის ფარგლებშიც შეჯიბრებები სპორტის სხვადასხვა სახეობებშიც ჩატარდა, შიდა ქართლის სამხარეო ადმინისტრაციისა და გორის მუნიციპალიტეტის მერიის მხარდაჭერით განხორციელდა“, - ნათქვამია ინფორმაციაში.
v-if="article.gallery" v-html="article.gallery"
