ვლადიმერ პუტინი ასლან ბჟანიას შეხვდება
რუსეთის პრეზიდენტი, ვლადიმერ პუტინი ხვალ ოკუპირებული აფხაზეთის ე.წ. პრეზიდენტს, ასლან ბჟანიას შეხვდება.
კრემლის პრესსამსახურის ინფორმაციით, პუტინი და ბჟანია ორმხრივი თანამშრომლობის განვითარების საკითხებს განიხილავენ.
„4 ოქტომბერს ვლადიმერ პუტინი მოლაპარაკებებს გამართავს რუსეთში სამუშაო ვიზიტით მყოფ აფხაზეთის რესპუბლიკის პრეზიდენტთან ასლან ბჟანიასთან, დაგეგმილია სხვადასხვა მიმართულებით ორმხრივ სარგებელზე დაფუძნებული თანამშრომლობის შემდგომი განვითარების საკითხების განხილვა", - ნათქვამია კრემლის მიერ გავრცელებულ ინფორმაციაში.
შეგახსენებთ, ასლან ბჟანია დღეს რუსეთის საგარეო საქმეთა მინისტრს, სერგეი ლავროვს შეხვდა.
