რუსულმა ძალებმა ხერსონი დაბომბეს, რის შედეგადაც 54 წლის ადგილობრივი მცხოვრები დაიღუპა.

ამის შესახებ ინფორმაციას უკრაინული მედია ხერსონის საქალაქო სამხედრო ადმინისტრაციის ხელმძღვანელზე, რომან მროჩკოზე დაყრდნობით ავრცელებს.

„დღეს რუსულმა ჯარმა კვლავ მოკლა ხერსონის მკვიდრი, მამაკაცი 54 წლის იყო, დაბომბვის დროს ის ავტოფარეხში იმყოფებოდა“, - წერს მროჩკო „ტელეგრამ“ არხზე.

მანამდე ცნობილი გახდა, რომ რუსებმა ხერსონი დაბომბეს. წინასწარი ინფორმაციით, დაშავებულია ოთხი ადამიანი.

რუსებმა ხერსონი გუშინაც დაბომბეს, რის შედეგადაც პოლიციელი დაიღუპა.