ნათია თურნავა საპენსიო სააგენტოს საინვესტიციო საბჭოს წევრებს შეხვდა
ეროვნული ბანკის პრეზიდენტის მოვალეობის შემსრულებელი ნათია თურნავა საპენსიო სააგენტოს საინვესტიციო საბჭოს წევრებს შეხვდა. ამის შესახებ ინფორმაციას ეროვნული ბანკი ავრცელებს.
მათივე ცნობით, შეხვედრაზე საინვესტიციო საბჭოს მხრიდან ბოლო დროს განხორციელებული საკითხები განიხილეს. საუბარი შეეხო დაგროვებითი პენსიის შესახებ კანონში მიმდინარე ცვლილებებს და საინვესტიციო გეგმებს.
"მიმდინარე რეფორმები, არსებული პროგრესი და გამოწვევები იყო საინვესტიციო საბჭოსთან დღევანდელი შეხვედრის მთავარი თემები. ეროვნული ბანკი როგორც საპენსიო სააგენტოს საინვესტიციო საქმიანობის ზედამხედველი პერიოდულად იღებს ინფორმაციას საბჭოს წევრებისგან. ეს იყოს რიგითი სამუშაო შეხვედრა, რომელზეც ვრცლად ვისაუბრეთ მიმდინარე თემებზე, როგორ გავხადოთ ჩვენი მხრიდან საპენსიო სააგენტოს საინვესტიციო საქმიანობის ზედამხედველობა უფრო ეფექტური", - განაცხადა ნათია თურნავამ.
v-if="article.gallery" v-html="article.gallery"
