დავით გაბაიძე ნიკოლას სენდროვიჩს შეხვდა

აჭარის უმაღლესი საბჭოს თავმჯდომარემ - დავით გაბაიძემ საქართველოში ევროკავშირის წარმომადგენლობის განვითარებისა და თანამშრომლობის განყოფილების ხელმძღვანელს, ნიკოლას სენდროვიჩს უმასპინძლა. ამის შესახებ ინფორმაციას აჭარის ა/რ უმაღლესი საბჭოს პრესსამსახური ავრცელებს.

მათი ცნობით, გაცნობითი ხასიათის შეხვედრაზე ყურადღება გამახვილდა საქართველო-ევროკავშირს შორის პარტნიორობისა და მჭიდრო, მრავალმხრივი თანამშრომლობის საკითხებზე, ამ პროცესებში რეგიონების როლსა და ჩართულობაზე, ასევე, აჭარის უმაღლესი საბჭოს ინსტიტუციურ გაძლიერებაზე.

ნიკოლას სენდროვიჩი, ბათუმში, ევროკავშირის რეგიონული ინიციატივის - „მერები ეკონომიკური ზრდისთვის“ ღონისძიების ფარგლებში, სამუშაო ვიზიტით იმყოფება.