უკრაინის პრეზიდენტი ვოლოდიმირ ზელენსკი ესპანეთში იმყოფება, - ამის შესახებ უკრაინის მეთაური ტელეგრამის საკუთარ არხზე წერს.

„გრანადა, ესპანეთი. ევროპული პოლიტიკური გაერთიანების სამიტი. უკრაინა, სხვა ერებთან ერთად, მონაწილეობს ჩვენს საერთო ევროპულ ოჯახში უსაფრთხოებისა და სტაბილურობის განმტკიცების მიზნით“, - წერს ზელენსკი.

ზელენსკიმ ხაზი გაუსვა იმას, რომ ზამთრის დადგომამდე აუცილებელია უკრაინის საჰაერო თავდაცვის შესაძლებლობების გაძლიერება და დაამატა, რომ პარტნიორებთან ახალი შეთანხმებების მიღწევის საფუძველი უკვე არსებობს.

„ეს დღე ნაყოფიერი იქნება როგორც უკრაინისთვის, ისე მთელი ევროპისთვის", - აღნიშნა მან.

ზელენსკის განცხადებით, გრანადაში ყოფნისას იგი არაერთ ორმხრივ შეხვედრაში მიიღებს მონაწილეობას.