ჯო ბაიდენის ადმინისტრაცია მექსიკის საზღვართან 32 კილომეტრის სიგრძის კედლის აშენებას გეგმავს

აშშ-ის პრეზიდენტის, ჯო ბაიდენის ადმინისტრაცია ტეხასის შტატში მექსიკის საზღვართან კედლის აშენებას გეგმავს.

პრეზიდენტის ადმინისტრაციამ 32 - კილომეტრიანი სასაზღვრო ბარიერის აშენება მიგრაციის ტალღების გაზრდის გამო მიიღო.

BBC-ის ინფორმაციით, ბოლო დროს აშშ-მექსიკის საზღვრის უკანონოდ გადაკვეთის ფაქტები განსაკუთრებით გახშირდა. მხოლოდ მიმდინარე წელს მდინარე რიო-გრანდეს გადაკვეთით აშშ-ში 245 000-ზე მეტი არალეგალი მიგრანტი მოხვდა.

როგორც მედია აღნიშნავს, მექსიკის საზღვარზე კედლის აშენება აშშ-ის ყოფილ პრეზიდენტის, დონალდ ტრამპის ერთ-ერთი მთავარი წინასაარჩევნო დაპირება იყო, რასაც „დემოკრატები“ და მათ შორის ჯო ბაიდენი ხშირად აკრიტიკებდნენ.