ამბროლაურის მუნიციპალიტეტის მერის მოადგილე თამარ ქევანაშვილი, სტრუქტურული ერთეულების ხელმძღვანელებთან ერთად მრავალი თაობის აღმზრდელ, დამსახურებულ პედაგოგებს, ნელი წერეთელს და იზო ჯოხაძეს შეხვდა, მასწავლებლის საერთაშორისო დღე მიულოცა და სიმბოლური საჩუქრები გადასცა. ამის შესახებ ინფორმაციას ამბროლაურის მერია ავრცელებს.

მათივე ცნობით, განათლების სფეროში შეტანილი განსაკუთრებული წვლილისთვის ნელი წერეთელს და იზო ჯოხაძეს მინიჭებული აქვთ ამბროლაურის საპატიო მოქალაქის წოდება.

„მასწავლებელთა საერთაშორისო დღის აღნიშვნა სათავეს 1994 წლის 5 ოქტომბრიდან იღებს და ყოველწლიურად მსოფლიოს 100-ზე მეტ ქვეყანაში აღინიშნება. იუნესკოს თანახმად, ეს დღე გამოხატავს იმ წვლილს, რომელსაც პედაგოგები მომავალი თაობების აღზრდისა და განათლებისთვის იღებენ.

ამბროლაურის მუნიციპალიტეტის მერია ყველა პედაგოგს გილოცავთ პროფესიულ დღესასწაულს! წინსვლას და წარმატებას გისურვებთ!’, - ნათქვამია ინფორმაციაში.