ოდესის რეგიონში რუსეთის სარაკეტო თავდასხმის შედეგად ოთხი ადამიანი დაშავდა, - ამის შესახებ ინფორმაციას ოდესის რეგიონული სამხედრო ადმინისტრაციის ხელმძღვანელი ოლეგ კიპერი საკუთარ „ტელეგრამ“ არხზე ავრცელებს.

„ღამით, რუსულმა ჯარებმა ოდესის რეგიონზე სარაკეტო შეტევა განახორციელეს. ოთხი ადამიანი დაშავდა“, - წერს ოლეგ კიპერი.

კიპერის მიერ გავრცელებული ინფორმაციით, რუსების სამიზნეს სამოქალაქო და საპორტო ინფრასტრუქტურა წარმოადგენდა. რუსების მიერ განხორციელებული სარაკეტო თავდასხმის შედეგად დაშავებულებს შესაბამისი სამედიცინო დახმარება გაეწიათ.