უკრაინა ისრაელის წინააღმდეგ განხორციელებულ შეტევებს გმობს, - ამის შესახებ ინფორმაციას უკრაინის საგარეო საქმეთა სამინისტრო აქვეყნებს.

„უკრაინა გმობს ისრაელის წინააღმდეგ მიმდინარე ტერორისტულ თავდასხმებს, მათ შორის სარაკეტო თავდასხმებს იერუსალიმისა და თელ-ავივის მშვიდობიანი მოსახლეობის წინააღმდეგ. ჩვენ მხარდაჭერას ვუცხადებთ ისრაელის უფლებას დაიცვას საკუთარი თავი და მისი ხალხი“, - აცხადებს უკრაინის საგარეო საქმეთა სამინისტრო.

უკრაინის საგარეო საქმეთა სამინისტროს პრესსპიკერის ოლეგ ნიკოლენკოს განცხადებით, ისრაელში საომარი მოქმედებების შედეგად დაშავებულებს შორის უკრაინის მოქალაქეები არ არიან.