ავღანეთში, ირანის საზღვართან ახლოს მომხდარი მიწისძვრის შედეგად დაღუპულთა რაოდენობა 120-მდე გაიზარდა, - ინფორმაციას BBC-ი ავრცელებს.

გამოცემის ცნობით, დაშავებულია მინიმუმ 1000 ადამიანი. 6.3 -მაგნიტუდის სიმძლავრის მიწისძვრის ეპიცენტრი ქალაქ ჰერათის ჩრდილო-დასავლეთით დაახლოებით 40 კმ-ში იყო. სტიქიამ დაანგრია და დააზიანა შენობები და ნანგრევებში ადამიანები არიან მოყოლილი.

დაუდასტურებელი ინფორმაციით, მიწისძვრის მსხვერპლთა რიცხვი 300-ს აჭარბებს.