საქართველოს კონკურენციის ეროვნული სააგენტო, ეკონომიკური პროფილის სტუდენტების დასაქმების მიზნით, სტაჟირების პროგრამას აცხადებს. შესაბამის ინფორმაციას კონკურენციის ეროვნული სააგენტო ავრცელებს.

მათივე ცნობით, სააგენტოს მიზანია, სამომავლო დასაქმების პერსპექტივით, სტუდენტების პრაქტიკული უნარ-ჩვევების განვითარება და კონკურენციის პოლიტიკის დაცვის სექტორში კვალიფიციური კადრების მომზადება.

„პროგრამაში მონაწილეობას შეძლებენ - ეკონომიკისა და ბიზნესის ადმინისტრირების მიმართულებით, მაგისტრის სტატუსის და ბაკალავრის დამამთავრებელ საფეხურზე მყოფი სტუდენტები. სტაჟირების ხანგრძლივობა 3-6 თვე. სტაჟირების პროგრამით დაინტერესებულმა პირებმა, 2023 წლის 10 ოქტომბრიდან - 1 ნოემბრის ჩათვლით, ელ. ფოსტაზე: info@gnca.gov. ge უნდა წარმოადგინონ განაცხადი“,-აღნიშნულია გავრცელებულ ინფორმაციაში.