ისრაელის არმიის სპიკერი - ღაზაში პარლამენტი და სამინისტროები „ლეგიტიმური სამიზნეებია“
ღაზაში პარლამენტი და სამინისტროები „ლეგიტიმური სამიზნეებია“, - ამის შესახებ ისრაელის არმიის სპიკერმა რიჩარდ ჰეხტმა ბრიფინგზე განაცხადა.
კითხვაზე, განიხილავს თუ არა ისრაელი „ჰამასის“ მთავრობას, ღაზაში პარლამენტსა და სამინისტროებს, ლეგიტიმურ სამიზნეებად, ჰეხტმა უპასუხა: „თუ იქიდან შეიარაღებული პირი რაკეტას ისვრის, ის სამხედრო სამიზნედ იქცევა“.
რიჩარდ ჰეხტმა ასევე აღნიშნა, რომ ისრაელის საჰაერო ძალები გადატვირთულია და ამის გამო შესაძლოა, სამიზნეების წინასწარ გაფრთხილება ვერ მოხერხდეს.
