„ექსპო ჯორჯიაში“ განათლების მე-13 საერთაშორისო გამოფენა გაიმართა
„ექსპო ჯორჯიაში“ განათლების მე-13 საერთაშორისო გამოფენა გაიმართა. გამოფენების ცენტრმა ღონისძიებას 6-7 ოქტომბერს, მე-11 პავილიონში უმასპინძლა.
კავკასიის საერთაშორისო უნივერსიტეტის ინფორმაციით, განათლების მასშტაბურ და მრავალფეროვან გამოფენაზე, სადაც 50-მდე უცხოური და ადგილობრივი უნივერსიტეტები და პროფესიული სასწავლებლები მონაწილეობდნენ, კავკასიის საერთაშორისო უნივერსიტეტი ინფორმაციული სტენდით იყო წარმოდგენილი, რაც დაინტერესებულ პირებს საშუალებას აძლევდა მიეღოთ დეტალური ინფორმაცია უნივერსიტეტის საგანმანათლებლო პროგრამების, საზღვარგარეთ გაცვლითი პროგრამებისა და სტუდენტური აქტივობების შესახებ.
მათივე ცნობით, CIU-ს სტენდი „ექსპო ჯორჯიას“ მიერ ნომინაციაში - „საუკეთესო სტენდის კონცეფცია“, დაჯილდოვდა.
CIU-ს სტენდთან მოსულ დაინტერესებულ პირებს, სტუმრებსა და აბიტურიენტებს საჭირო ინფორმაციას ფაკულტეტების სპეციალისტები, კოორდინატორები, სტუდენტ-მენტორები და თავად სტუდენტებიც აწვდიდნენ.
