სირცხვილია, რომ „ნაციონალური მოძრაობის“ „ბოსი“ და დამფინანსებელი დავით კეზერაშვილია - მასთან ჩადიან, რათა მიიღონ ინსტრუქციები, რა როგორ უნდა გააკეთონ და იმოქმედონ, - ამის შესახებ ჟურნალისტებს „ქართული ოცნების“ დეპუტატმა ირაკლი ქადაგიშვილმა განუცხადა.
ქადაგიშვილის შეფასებით, "ნაციონალური მოძრაობა" თავიდან ბოლომდე არაფორმალური მმართველობისა და შიდა შეთქმულებების ჭაობშია ჩაფლული.
“ეს ადამიანი ქვეყნის თავდაცვის ბიუჯეტის გაქურდვაზეა გასამართლებული. ამასთან, იმედია, მის მიმართ ევროპაში სისხლის სამართლის დევნა დაიწყება, რადგან ევროპელი პენსიონერების თანხებს იპარავს. ასეთია დღევანდელი “ნაციონალური მოძრაობის“ რეალური სახე“, - დასძინა ირაკლი ქადაგიშვილმა.
