უკრაინის ევროკავშირში გაწევრიანებისთვის მოლაპარაკებების “ფაქტობრივი დასაწყისი” 2024 წელს იქნება. ამის შესახებ უკრაინის პრეზიდენტის ადმინისტრაციის ხელმძღვანელის მოადგილემ იგორ ჟოვკვამ განაცხადა.

ჟოვკვამ ამის შესახებ განცხადება უკრაინის პრეზიდენტის ვოლოდიმირ ზელენსკის ბელგიის პრემიერ-მინისტრ ალექსანდრე დე კროოსთან შეხვედრის შემდეგ გააკეთა.

მისი თქმით, მოლაპარაკებების “ფაქტობრივი დასაწყისი” 2024 წლის პირველ ნახევარში იქნება, როდესაც ევროკავშირის საბჭოს პრეზიდენტობა ბელგიას ექნება.

“და აქ ბელგიის პრეზიდენტობა უბრალოდ სიმბოლიზმით არ შემოიფარგლება - ჩვენი პარტნიორი ევროკავშირის “ინსტიტუციონალური გულიდან” დაუჭერს მხარს უკრაინას”, - განაცხადა ჟოვკვამ.