უკრაინის საჰაერო ძალებმა რუსების მიერ გაშვებული 28 დრონი ჩამოაგდეს. ამის შესახებ ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.

12 ოქტომბრის ღამეს უკრაინის საჰაერო ძალების ქვედანაყოფებმა რუსების მიერ გაშვებული Shahed-ის ტიპის 28 უპილოტო საფრენი აპარატი ჩამოაგდეს.

„მტერმა უკრაინის ტერიტორიას Shahed-ის ტიპის უპილოტო საფრენი აპარატებით ჩრდილოეთიდან და სამხრეთიდან შეუტია“, - წერს უკრაინის საჰაერო ძალები „ტელეგრამის“ არხზე.