არავის სჭირდება რუსეთის წარმომადგენელი ღარიბაშვილის მედიაცია - ამის პასუხი იყო, მათ შორის, სომხეთის განაცხადი, რომ მხოლოდ ბრიუსელის და ევროკავშირის თანამონაწილეობით წარიმართება შესაბამისი მოლაპარაკებები,- ამის შესახებ „ლელოს“ დეპუტატმა სალომე სამადაშვილმა განაცხადა.

მისივე თქმით, ის, რაზეც ღარიბაშვილი საუბრობს, კრემლშია მომზადებული და ამას ყველა ხვდება.

„დღეს ყველასთვის, ჩვენი მეზობლებისთვის, სტრატეგიული მოკავშირეებისთვის, გასაგებია, რომ საქართველოს ჰყავს რუსული ხელისუფლება. როცა რუსული ხელისუფლების წარმომადგენელი გამოდის რაიმე ინიციატივით, ჩვენს მეზობლებთან დაკავშირებით არსებული საკითხების გადაჭრის მიმართულებით, ყველა ხვდება, რომ საუბრობს ღარიბაშვილი, მაგრამ მისი აზრები მომზადებულია კრემლში. ამის პასუხი იყო მათ შორის, სომხეთის განაცხადი, რომ მხოლოდ ბრიუსელის და ევროკავშირის თანამონაწილეობით წარიმართება შესაბამისი მოლაპარაკებები, რადგან არავის სჭირდება რუსეთის წარმომადგენელი ღარიბაშვილის მედიაცია. ჩვენს სამეზობლოში ეს უკვე ყველასთვის გასაგებია”, - განაცხადა სამადაშვილმა.

ინფორმაციისთვის, სომხეთის პრემიერ-მინისტრის ნიკოლ ფაშიანიანის განცხადებით, აზერბაიჯანის პრეზიდენტის ილჰამ ალიევის ორმხრივი და სამმხრივი მოლაპარაკებების საქართველოში ჩატარების შესახებ წინადადება შეიძლება აღქმულ იქნას, როგორც მცდელობა ძირი გამოეთხაროს უკვე შეთანხმებულ პრინციპებს.