საქართველოს სამი მოწვევის (2004, 2016, 2020) პარლამენტის წევრია. 2022 წელს შეუერთდა პოლიტიკურ პარტიას - „ლელო - პარტნიორობა საქართველოსთვის“, სადაც პარტიის პოლიტიკური საბჭოს წევრი და პოლიტიკური მდივანია. დაამთავრა ალეგენის კოლეჯი, აშშ, (ბაკალავრის ხარისხი, პოლიტიკური მეცნიერება და ფილოსოფია) ცენტრალური ევროპის უნივერსიტეტი, უნგრეთი (მაგისტრატურა, საკონსტიტუციო სამართალი) და ვაშინგტონის ამერიკული უნივერსიტეტი, აშშ, (მაგისტრატურა, სახელმწიფოს მართვა).

2024 წელს დაიცვა სადოქტორო დისერტაცია პოლიტიკური მეცნიერების დარგში საქართველოს უნივერსტეტში ევროკავშირის უსაფრთხოების პოლიტიკის თემაზე. არის ბრიუსელის ვილფრედ მარტენსის ევროპული კვლევების ცენტრის აკადემიური საბჭოს წევრი.

2016-2020 წლებში სალომე სამადაშვილი საქართველოს პარლამენტის საგარეო ურთიერთობათა კომიტეტის თავმჯდომარის მოადგილე, 2005-2013 წლებში კი, ევროკავშირთან საქართველოს მისიის ხელმძღვანელი და საგანგებო და სრულუფლებიანი ელჩი იყო ბელგიის სამეფოსა და ლუქსემბურგის დიდ საჰერცოგოში.

როგორც ევროკავშირში საქართველოს მისიის ხელმძღვანელი, იგი ზედამხედველობდა საქართველოსა და ევროკავშირს შორის ასოცირებისა და თავისუფალი ვაჭრობის შესახებ შეთანხმებების წარმატებულ მოლაპარაკებებს. საქართველოს წინაშე გამორჩეული სამსახურისთვის ბრწყინვალების საპრეზიდენტო ორდენით დაჯილდოვდა.

სხვადასხვა დროს მუშაობდა საერთაშორისო ორგანიზაციებში, მათ შორის, 2015 წელს სალომე სამადაშვილი იყო აშშ-ს ეროვნული დემოკრატიული ინსტიტუტის ლიბიის მმართველობის პროგრამის დირექტორი (მალტა-ტრიპოლი, ლიბია).

ფლობს ინგლისურ, რუსულ და ფრანგულ ენებს. არის მრავალი სამეცნიერო ნაშრომის და სამი წიგნის ავტორი.