NMG-ის (ნიკორა მენეჯმენტ ჯგუფი) კორპორაციული სოციალური პასუხისმგებლობის (CSR) ფარგლებში, განათლების მხარდაჭერის პროექტი წარმატებით გრძელდება.

ინიციატივა, რომელიც 2022 წლიდან ხორციელდება, მიზნად ისახავს საქართველოს რეგიონებში მოქმედი საჯარო სკოლების მატერიალურ-ტექნიკური ბაზის გაუმჯობესებასა და მოსწავლეებისთვის თანამედროვე სასწავლო გარემოს შექმნას.

პროექტის ფარგლებში, NMG რეგიონის სკოლებს აწვდის კომპიუტერულ ტექნიკას, ამდიდრებს სასკოლო ბიბლიოთეკებს ახალი ლიტერატურით და მოსწავლეებს ინდივიდუალურ სასკოლო-საკანცელარიო ნაკრებებს გადასცემს.

შემოდგომის ნაკადის ფარგლებში, NMG-ის გუნდი კიდევ 3 რეგიონის 4 საჯარო სკოლას ესტუმრება:

• სოფელქვეშეთის საჯარო სკოლა (დუშეთის მუნიციპალიტეტი)
• სოფელუჯარმის საჯარო სკოლა (საგარეჯოს მუნიციპალიტეტი)
• სოფელთაბაგრების საჯარო სკოლა (ჭიათურის მუნიციპალიტეტი)
• სოფელმახათაურის საჯარო სკოლა (საჩხერის მუნიციპალიტეტი)

შემოდგომის ეტაპამდე, 2026 წლის გაზაფხულზე, კომპანიის წარმომადგენლებმა მხარდაჭერა გაუწიეს ორ საჯარო სკოლას მესტიის მუნიციპალიტეტში და ორს გურიაში. ზოგადად, პროექტის ფარგლებში ბენეფიციართა რაოდენობამ ჯამში 10 000-მდე მოსწავლეს მიაღწია.

"გვჯერა, რომ განათლებაში ჩადებული ინვესტიცია ყველაზე მნიშვნელოვანი ნაბიჯია მომავალი თაობისთვის. ცოდნაზე ხელმისაწვდომობა ბავშვებისთვის უკეთესი პერსპექტივების შექმნის ყველაზე მყარი საფუძველია. ჩვენი მიზანია, ბავშვებს უფრო თანამედროვე და ხელმისაწვდომი სასწავლო გარემო შევუქმნათ", - აცხადებენ NMG-ში.

კომპანია განათლების მხარდაჭერის პროექტის გაგრძელებას და სამომავლოდ, საქართველოს სხვა რეგიონების მოცვასაც გეგმავს.