ოლაფ შოლცი - ჩვენ არ შევეგუებით ანტისემიტიზმს - ყველა, ვინც „ჰამასის“ მიერ ჩადენილ მკვლელობებს აღნიშნავს, ან ისრაელის დროშას დაწვავს კანონის წინაშე პასუხს აგებს
ყველა, ვინც „ჰამასის“ მიერ ჩადენილ მკვლელობებს აღნიშნავს, ან ისრაელის დროშას დაწვავს კანონის წინაშე პასუხს აგებს, - ამის შესახებ გერმანიის კანცლერმა ოლაფ შოლცმა დღეს დილით პარლამენტში განაცხადა.
„ეს საშინელებაა. ჩვენ არ შევეგუებით ანტისემიტიზმს“, - მიმართა შოლცმა ბუნდესტაგს.
ოლაფ შოლცმა აღნიშნა, რომ პრო-პალესტინური დაჯგუფება სახელად Samidoun-ის საქმიანობა აიკრძალება.
მან ჯგუფის წევრები მას შემდეგ დაადანაშაულა, რაც ისინი შაბათს ბერლინის ქუჩებში ისრაელის მშვიდობიანი მოსახლეობის მკვლელობების აღსანიშნავად გამოვიდნენ და გამვლელებისთვის ტკბილეულის დარიგება დაიწყეს.
შოლცმა ასევე გერმანიაში „ჰამასის“ საქმიანობის აკრძალვის შესახებ გამოაცხადა.
