ანალენა ბერბოკი 13 ოქტომბერს ისრაელში ჩავა
გერმანიის საგარეო საქმეთა მინისტრი ანალენა ბერბოკი 13 ოქტომბერს ისრაელს ეწვევა. ამის შესახებ ინფორმაციას გერმანიის საგარეო საქმეთა სამინისტროს პრესსპიკერი ავრცელებს.
მისი თქმით, ბერბოკი ისრაელში “სოლიდარობის ვიზიტს” განახორციელებს, რომელიც მისი “კრიზისის დიპლომატიის” ძალისხმევების ნაწილი იქნება.
ცნობისთვის, დღეს ბერბოკმა ბერლინში საუბარი გამართა კატარის ემირ შეიხ თამიმ ბინ ჰამად ალ-ტანისთან, რომელიც კონფლიქტში პოტენციალურ მედიატორად განიხილება.
