ისრაელის თავდაცვის ძალები - ღაზაში ავიაიერიშები კიდევ 750 სამიზნეზე განხორციელდა

ისრაელის თავდაცვის ძალების განცხადებით, ღაზას სექტორში ღამით „ჰამასისა“ და სხვა ტერორისტული დაჯგუფებების კუთვნილ 750 სამიზნეზე ავიაიერიშები განხორციელდა.

მათივე ინფორმაციით, სამიზნეებს შორის იყო 12 მრავალსართულიანი კოშკი, სადაც, ისრაელის თავდაცვის ძალების მტკიცებით, „ჰამასის“ აქტივები იყო განთავსებული.

სამხედროები ამბობენ, რომ მათ ასევე დაარტყეს „ჰამასის“ სამ ოპერატორს, რომლებიც პასუხისმგებელი იყვნენ ისრაელის ტერიტორიის მიმართულებით ნაღმმტყორცნებით ცეცხლის გახსნაზე.

ისრაელის თავდაცვის ძალების ცნობით, სხვა სამიზნეები მოიცავს გვირაბებს, სამხედრო შენაერთებს, ტერორისტული დაჯგუფებების წევრების რეზიდენციებს, რომლებიც გამოიყენება როგორც სამხედრო სამეთაურო ცენტრები, იარაღის შესანახი საწყობები და საკომუნიკაციო ოთახები.